【轮证赢家】追跌都要等位

作者: 时间:2020-06-13B生活历740人已围观

【轮证赢家】追跌都要等位放大图片

噚日係我咁大个女以嚟,人生第一次参与自己屋苑嘅业主立案法团大会,「呢啲咁闷嘅嘢都好去嘅?」但当你收到一份简陋过你个仔学校通告、最重要嘅内容就係增加接近两成管理费一事,你条根又会唔会被挑起?

不过,最令我见识到嘅就係「大人嘅世界」:唔比咪你问嘢、问非所问游花园、强制跳过原先设定嘅议题(话N年前已经表决咗;但点解又会写落份议程度?)、未完指定发问时间就开始投票、表面上係不记名投票,但实际每张票都有bar code可以嘟得返你个单位、临时更改通告内容,最重要就係无啦啦有笔过千万嘅亏损账走咗出嚟,话由2010年至依家嘅,係完全无任何账目、数据可以比业主睇返,只係得个「冧心」数...我终于都明白点解呢啲「义工」会有咁多人仍乐此不彼,仲要争崩头;更加深深体会到,莫讲话一个社区,根本一个屋苑已经可以等同政府的缩影。

更令我大开眼界嘅就係上星期五(8月23日),中国向美国反击,宣布12月15日起对美国汽车同零件恢复加徴25%关税;同时又宣布将于9月1日同12月15日对美国750亿美元商品,加徴10%或5%关税。哼,你精佢都唔笨,特朗普更係还手啦,係佢用开嘅Twitter度讲返会喺10月1日,将已经加咗25%关税嘅2500亿美元中国货,再额外加多5个百分点关税,即係关税加到30%;同埋喺9月1日就会向剩返嗰3000亿美元中国货,加15%关税,又係比原本嘅10%多咗5个百分点。不过,我觉得佢最霸气都係嗰句:「We don't need China」

霸气还霸气,美股同夜期即刻缺堤,今日成个亚股都弥漫一股愁云惨雾嘅气氛,恒指今朝开市先无857点,报25322点。依家10点6分,恒指最低见过25281点。开恒指街货图见下方最贴价嗰七层牛证已经全数死亡,讲真,每一层嘅街货量就真係唔多嘅,界乎114至551张期指,但夹埋都有2091张期指,变成牛证最贴价就係25200至25299点,呢度有147张期指;不过我谂唔驶担心,今日个市咁样急插落去,买近牛博反弹嘅大有钱在,呢啲位安全牛应该会落去到25000至25099点呢一层。(唉!若果上个星期唔係怕只友邦Put(16828)界手,今日(16828)就已经帮我贴胶布,仲包到成只指胀仆仆嗰只。)

至于上方熊证,最贴价为26300至26399点,同现价有成千点,而依家见有相当于443张期指街货;如果用坊间嘅牛熊证搜寻器,就会搵到依家市场最贴价嘅熊证,收回价25735点,同现价(10点23分做紧25337点)有近400点差距。

其实开咗市就嚟一个钟,开恒指5分钟图见SlowSTC(14,3)仍然处于严重超卖水平,弹都弹唔起;再加上预计可能有唔少资金会选择博反弹,令到追熊嘅意慾更强。但就正正5分钟图嘅SlowSTC(14,3)弹唔起,未见有靓位可以同追跌,唯有拣定只恒指熊(53950),收回价25838点,同现价有逾500点距离,等到有靓位先到落场。

作者阿珊,任财经/投资版传媒人十几年,《钟摆战略赢港股》作者。用技术分析专心玩轮证,唔贪心,志在搵餐下午茶。

电邮:[email protected];FB:轮证赢家

相关文章